by Poterkëscht
Den offizielle Podcast vum Institut national des langues Luxembourg. All Woch publizéiere mir nei interessant Episdoen, fir Lëtzebuergesch ze léieren.
Language
🇱🇧
Publishing Since
2/19/2024
Email Addresses
1 available
Phone Numbers
0 available
April 22, 2025
<p>Wëllkomm zréck an der Poterkëscht!</p><p>Am Episod vun haut erzielt eis eng Persoun iwwer hir Erfarung mat Blutt spenden.</p><p>Wann dir och Bluttspender wëllt ginn, fannt dir méi Informatiounen op www.dondusang.lu.</p><p>Vill Spaass beim Nolauschteren!</p><p>-</p><p>Den Transkript fir dësen Episod fannt dir hei (<a href="https://moodle.inll.lu/course/view.php?id=5497" target="_blank" rel="noopener noreferer">klick</a>!). Dir braucht kee Moodle-Account, klickt einfach op "Access as guest".</p>
April 16, 2025
<p>Wëllkomm zréck an der Poterkëscht!</p><p>Am Episod vun haut héiere mir fir d'éischt, wéi zwou Persounen iwwer hir Pläng fir den Ouschterweekend schwätzen. Duerno héiere mir, wéi zwou aner Persounen eng Wanderung an de Mëllerdall plangen. Vill Spaass beim Nolauschteren!</p><p>-</p><p>Transkript</p><p>Pläng fir Ouschteren </p><p>A: An, hues de schonn eppes vir fir den Ouschterweekend? </p><p>B: Jo, natierlech! Mir maachen de vollen Ouschterprogramm mat eiesem Klengen. E Samschdeg fierwe mir doheem Ouschtereeër, dorops freet hie sech schonn immens. E Sonndeg fuere mir da bei d’Boma an de Bopa fir d’Ouschteriessen. </p><p>A: Dat kléngt flott! Gëtt et da bei iech eppes Spezielles fir z’iessen? </p><p>B: Jo, meng Mamm mécht wéi all Joer en Hämmelsbrot an duerno ginn et natierlech och nach Ouschtereeër aus Schockela an eng Bretzel als Dessert. Am Nomëtteg verstoppe mir Eeër am Gaart a siche se da mat deem Klengen. D’lescht Joer huet hie sech immens gefreet, wéi hie se fonnt huet! </p><p>A: Dat gleewen ech! Ouschteren ass ëmmer e flott Fest fir Kanner. </p><p>B: Dat ass wouer. An du? Feiers du och Ouschteren? </p><p>A: Nee, net wierklech. Ech freeë mech awer, datt Ouschterméindeg hei e Feierdag ass. Ech profitéiere vum laange Weekend a fuere mat mengem Frënd op Amsterdam. </p><p>B: Cool! Wat hutt dir dann do geplangt? </p><p>A: Näischt Extraes, mir ware jo schon e puer Mol do. Ech wëll e bësse shoppe goen a vläicht mat engem Boot fueren. Am Rijksmusée war ech nach net, an do ass eng flott Ausstellung. Et ginn och vill gutt Restauranten zu Amsterdam, dorop freeën ech mech och schon. </p><p>B: Dann hoffen ech, datt d’Wieder matspillt an dir gutt vun ärem Weekend profitéiere kënnt. </p><p>A: Merci, an dir natierlech och! Net, datt dir herno mam Prabbeli no Eeër siche musst, haha! </p><p>B: O, noutfalls verstoppt den Ouschterhues se dann dobannen. Dat hate mir och schonn! </p><p> </p><p>Eng Wanderung plangen </p><p>Luc: Moien Emma! Hues du Loscht, e Samschdeg eng Wanderung ze maachen? </p><p>Emma: Moie Luc! Jo, dat ass eng gutt Iddi. Wuer wëlls de goen? </p><p>Luc: Mir kéinten an de Mëllerdall goen. Do ass et ganz schéin, et gi Fielsen, kleng Flëss a flott Wanderweeër. </p><p>Emma: Dat kléngt super! Ech war nach ni do. Wéi laang dauert d’Wanderung? </p><p>Luc: Ongeféier dräi Stonnen. Mir kënne Pause maachen an eppes Klenges iessen. </p><p>Emma: Super! Wéi ass d’Wieder e Samschdeg? </p><p>Luc: D’Wieder soll gutt sinn, mee et weess een ni. Du weess jo, wéi dat zu Lëtzebuerg ass. </p><p>Emma: Jo (laacht). Ech weess awer net richteg, wéi eng Schong ech undoe soll. </p><p>Luc: Du brauchs bequeem a stabil Wanderschong. D’Weeër am Bësch kënnen e bësse rutscheg sinn, virun allem wann et reent. Turnschlappen mat enger gudder Suel sinn och ok, mee op kee Fall Sandalen oder normal Alldagsschong. </p><p>Emma: A, ech hu gutt Sportschong. Dat misst goen, oder? </p><p>Luc: Jo, dat geet! Et wier och gutt, wann s du eng Reejackett an eng waasserdicht Box undees, da gëss de net naass, falls et dann awer reene géif. </p><p>Emma: O, gutt, datt s du dat sees! Ech hätt net dru geduecht. Ech huelen eng Reejackett mat. Muss ech nach eppes Wichteges mathuelen? </p><p>Luc: Jo, e Rucksak mat Waasser an eppes Klenges fir z’iessen. E klengen Energiesnack wéi eng Banann, Dattelen oder e puer Nëss, sinn ëmmer gutt. </p><p>Emma: Ok. Ech huelen eppes fir eis zwee mat. </p><p>Luc: Merci, dat ass léif. </p><p>Emma: Gi mir dono nach an e Restaurant iessen? </p><p>Luc: Kloer, am Duerf gëtt et e Restaurant. Si hu lëtzebuergesch Spezialitéiten, wéi Bouneschlupp, Kniddelen a Gromperekichelcher. </p><p>Emma: Mmm, dat kléngt lecker! Ech hunn elo scho Loscht drop! </p><p>Luc: Ech och! Komm mir treffen eis um 10 Auer op der Gare. </p><p>Emma: Perfekt! Bis e Samschdeg! </p>
April 9, 2025
<p>Wëllkomm zréck an der Poterkëscht!</p><p>Haut héiere mir, wéi dräi Persounen zesummen am Buchclub iwwer e Buch schwätzen. </p><p>Vill Spaass beim Nolauschteren!</p><p>-</p><p>Transkript:</p><p>Am Buchclub</p><p>A: Ok, mir kënnen ufänken: Wéi huet iech de Roman gefall? Ech si gespaant!</p><p>B: Ech hunn d’Buch gëschter Owend nach séier fäerdeggelies. Ech war net esou motivéiert. Leider huet et mir net esou gutt gefall.</p><p>A: Dat ass schued! Wëlls de eis soen, firwat? Gefält dir der Schrëftstellerin hire Schreifstil net?</p><p>B: Nee, ech mengen de Genre ass net menges. Ech hu bal nach ni eng Familljesaga gelies, ausser d’Buddenbrooks am Lycée...</p><p>A: Ok, jo, dat kann net jidderengem gefalen. An du, Catherine? Wéi hues du et fonnt?</p><p>C: Bei mir ass et genee ëmgekéiert. Ech konnt d’Buch bal net op d’Säit leeën. Et ass zwar laang, mee ech war no véier Deeg fäerdeg. Ech sinn déi Deeg och vill ze spéit schlofe gaang an hu gelies, bis d’Ae mer zougefall sinn. Ech hat vergiess, datt dat mäi Liblingsgenre ass.</p><p>A: Dat freet mech! Mäin och! Kënnt dir soen, wat iech gutt oder net gutt gefall huet?</p><p>B: D’Beschreiwunge vun de Landschafte ware schéin. Et kann ee sech alles gutt virstellen, wann een et liest. Mee et war ze laang an d’Personnagen hu mech genervt.</p><p>A: Wéi dann?</p><p>B: D’Emily, zum Beispill, huet quasi wärend der ganzer Geschicht schlecht Decisioune geholl an zum Schluss hat d’Buch awer en Happy End. Dat huet mech negativ iwwerrascht. Den Alexander war mat jidderengem gehässeg an och hie gouf belount. Dat kann ech net ausstoen! </p><p>C: Mee den Alexander ass jo awer e Personnage, deen duerch e Kandheetstrauma esou ginn ass wéi en ass. Hie ka jo awer näischt dofir.</p><p>B: A Nee! Dat kann awer keng Excuse fir säi schlecht Behuele sinn! Wat ass dat da fir e Message?</p><p>A: Jo, dat stëmmt. Et däerf een him net alles verzeien.</p><p>C: A puncto Emily: ech mengen, d’Schrëftstellerin wëll hei weisen, datt een och Guddes verdéngt huet, wann ee schlecht Decisiounen hëlt, soulaang een e gudde Mënsch ass.</p><p>B: Ka sinn...</p><p>A: Jo, mee natierlech ass et besser, wann een d’Wouerecht direkt seet. Hatt soll eebe grad weisen, datt et kee perfekte Mënsch gëtt.</p><p>C: A soss wier d’Geschicht no 10 Säite fäerdeg gewiescht!</p><p>B: Jo, ok! D’Zeen mat senge Schwësteren huet mer awer gutt gefall! Do huet ee gemierkt, datt hatt sech verännert an zum Gudden entwéckelt huet.</p><p>C: Jo! D’Bezéiung vun de Schwësteren huet mir am beschte gefall. Se erënnert mech u meng Situatioun. Ech schenken d’Buch definitiv all menge Schwësteren.</p><p>A: Dat ass schéin! Dës Relatioun ass och ee vun de wichtegsten Theemaen am Roman. D’Schrëftstellerin huet och an engem Interview gesot, datt et d’Haapttheema ass. Si huet d’Geschicht geschriwwen, fir ze weisen, datt déi Relatioun alles zesummenhält. Se huet och en Impakt op dem Alexander säi Schicksal!</p><p>B: Lo wou s de et sees! Lo gesinn ech dat Ganzt vill méi positiv.</p><p>A: Dat freet mech! Duerfir ass e Buchclub esou flott. Oft liese mir Bicher méi iwwerflächlech, mee eréischt zesumme erkenne mir Detailer, déi eis eleng net opfalen.</p><p>B: Genee! Däerf ech dat nächst Buch auswielen?</p><p>C: Natierlech! Wat fir e Genre ass et?</p><p>B: E Thriller!</p><p>A: Spannend! Da so eis den Titel!</p>
RTL Radio Lëtzebuerg
Unknown author
Luxembourgish with Anne
Hélène & Judith
RTL Radio Lëtzebuerg
RTL Télé Lëtzebuerg
RTL Radio Lëtzebuerg
Pod Engine is not affiliated with, endorsed by, or officially connected with any of the podcasts displayed on this platform. We operate independently as a podcast discovery and analytics service.
All podcast artwork, thumbnails, and content displayed on this page are the property of their respective owners and are protected by applicable copyright laws. This includes, but is not limited to, podcast cover art, episode artwork, show descriptions, episode titles, transcripts, audio snippets, and any other content originating from the podcast creators or their licensors.
We display this content under fair use principles and/or implied license for the purpose of podcast discovery, information, and commentary. We make no claim of ownership over any podcast content, artwork, or related materials shown on this platform. All trademarks, service marks, and trade names are the property of their respective owners.
While we strive to ensure all content usage is properly authorized, if you are a rights holder and believe your content is being used inappropriately or without proper authorization, please contact us immediately at [email protected] for prompt review and appropriate action, which may include content removal or proper attribution.
By accessing and using this platform, you acknowledge and agree to respect all applicable copyright laws and intellectual property rights of content owners. Any unauthorized reproduction, distribution, or commercial use of the content displayed on this platform is strictly prohibited.