by 柚仔
<p>用台語紹介恐龍予囡仔聽，適合2～6歲對恐龍有興趣的囡仔 <br /> <br/>Powered by <a href="https://firstory.me/zh">Firstory Hosting</a></p>
Language
🇨🇳
Publishing Since
11/30/2023
Email Addresses
1 available
Phone Numbers
0 available
March 9, 2025
<p>留言告訴我你對這一集的想法： <a href="https://open.firstory.me/user/clohik9vc0vuq01s15xufcp5w/comments">https://open.firstory.me/user/clohik9vc0vuq01s15xufcp5w/comments</a></p> <br /> <br/>Powered by <a href="https://firstory.me/zh">Firstory Hosting</a>
January 30, 2025
<p>58-梁龍(Diplodocus) <br /> Niû-liông，華語號做「梁龍」，in有長長的頷仔頸佮尾溜，若横梁咧，所擺就共號做「梁龍」。這種恐龍是1877年佇美國發現的，in應該是生存佇1億5200萬年前侏羅紀尾期的北美洲。 <br /> 梁龍誠大隻，身長上長到35米，頷仔頸就佔6米，體重12噸到25噸攏有。In的前跤略仔比後跤較短，四肢跤干焦前跤的第一指有跤爪，這个跤爪有啥物作用，目前猶毋知影。In身軀看起來是水平形的，較早認為梁龍的頭攑袂懸，毋過這陣的研究認為in原仔會使共頭攑懸。In的尾溜誠長，有80節骨頭，強欲是蜀龍的兩倍，這條尾溜可能會使用來捽敵人，抑是發出較大的聲共敵人嚇驚予走，嘛會使平衡in長長的頷仔頸。當當in共重重的尾牚佇塗跤的時，尾溜内底閣有雙叉型的人字骨會當保護血管莫硩歹去。科學家佇1990年發現梁龍一寡皮膚的印痕，顯示in的皮膚凡勢有刺，佮現此時的青杜定差不多，有的閣有鱗，鱗的形體佮大細嘛有誠濟款。 <br /> 梁龍可能規工攏咧活動，免啥歇睏。較早的科學家認為in蹛佇水裡，因為in的鼻空懸過in的目睭。毋過假使in規身軀攏浸佇水内底，按呢胸坎受著的水壓會傷重，凡勢無法度用鼻空來喘氣。1970年開始，龍跤類恐龍是生活佇陸地的這个理論，已經成做科學家普遍的共識。梁龍主要是食樹皮、較矮的灌木佮羊齒類植物。 <br /> 梁龍身軀足大，in生活的模樣到底是按怎？一直是科學家推測佮研究的主題，早期有學者認為in是像杜定按呢爬，毋過按呢in的腹肚會佇塗跤䠡出一條溝，這个看法佇發現跤印了後予人推翻矣。In的頭會當攑偌懸嘛有無仝的看法，有學者認為in的頭無法度懸過肩胛頭，毋過2009年的研究，認為in咧警戒的時，會使共頷仔頸攑懸到強欲90度喔。In的頷仔頸遐長，至少需要1噸6的心臟，才有法度共血拍到頭殼頂，凡勢in的頷仔頸遐閣有特殊的結構，幫贊in共血拍起去。梁龍身軀的重心佇較後壁，所擺用兩肢後跤就會當徛起來，甚至in的尾嘛會使鬥牚，按呢in就會當食著11米懸的物件喔。 <br /> 今仔日的梁龍就講到遮，感謝逐家的收聽。 <br />------------------------ <br />攑 gia̍h <br /> <br />硩 teh <br /> <br />歇 hioh <br />------------------------ <br />留言告訴我你對這一集的想法： <a href="https://open.firstory.me/user/clohik9vc0vuq01s15xufcp5w/comments">https://open.firstory.me/user/clohik9vc0vuq01s15xufcp5w/comments</a></p> <br /> <br/>Powered by <a href="https://firstory.me/zh">Firstory Hosting</a>
January 9, 2025
<p>57-迷惑龍（Apatosaurus) <br /> Bê-hi̍k-liông，華語號做「迷惑龍」，號名的意思是「共人欺騙的杜定」，是按怎講共人欺騙咧，因為早期in的尾椎定定予人認做是滄龍類，迷惑龍是佇1877年號名發表的，in應該是生存佇1億5100萬年前侏羅紀尾期的北美洲。 <br /> 1879年發表一種新的恐龍，號做雷龍，猶毋過佇1903年的時，有科學家認為雷龍佮迷惑龍是仝一種恐龍，先號名的是迷惑龍，所擺雷龍這个名tsua̋n佇科學界消失去，猶毋過佇電影抑是bàng-gà內底，有當時仔原仔會出現雷龍這个名。 <br /> 迷惑龍的身長26米，體重24~32噸。佮in的身軀比起來，in的頭足細粒的，前跤略仔比後跤較短，猶未大到在的迷惑龍可能會用兩肢後跤來行。In的頷仔頸比馬門溪龍較短較粗，尾溜瘦瘦長長，早期認為in會伸長頷仔頸，去食較懸的樹葉仔，猶毋過這陣的科家認為in的頷仔頸無法度攑遐懸，而且in的心臓凡勢嘛無夠力通共血送去到遐懸的腦內底，所擺in應該干焦食較低的植物。 <br /> 迷惑龍體型誠大，早期的學者認為in足歹佇陸地共家己的身軀牚起來，所擺認為in凡勢是生活佇有水的所在，一部分的身軀會浸佇水底，尾仔的研究無認同這个看法，認為in應該是佇陸地生活，水壓顛倒會妨害in喘氣。In用啥物方法咧喘氣？科學家猶無定論。假使講in的呼吸系統佮爬蟲類仝款，in毋但無法度共垃儳的空氣排出來，閣會共垃圾的空氣欶入去；假使是佮食乳動物仝款的呼吸系統，按呢每一擺喘氣干焦欶會著41公升的空氣，無夠維持in活落去，所擺in的呼吸系統可能是像鳥仔的呼吸系統，抑是現此時動物界當中攏無的系統。 <br /> 目前猶無清楚in一工會食偌濟物件，毋過一隻3噸重的大象，一工愛食100公斤以上的食物，按呢一隻30噸的迷惑龍凡勢就愛規工食無停的，才有才調維持性命。 <br /> In會靠大龐的體格佮規群做伙行動來保護家已，予敵人毋敢對in下手，嘛會使用in瘦瘦長長、袂輸一條捽仔的尾溜來共敵人趕走，科學家估算in捽尾的時發出來的聲音可能有200分貝，佮大炮發射的聲差不多大聲。 <br /> 今仔日的「迷惑龍」就講到遮，感謝逐家的收聽。 <br />------------------------------</p><ul><li>捽仔sut-á</li><li>垃儳lâ-sâm</li><li>欶suh</li></ul><p>------------------------------ <br /> <br /> <br /> <br />留言告訴我你對這一集的想法： <a href="https://open.firstory.me/user/clohik9vc0vuq01s15xufcp5w/comments">https://open.firstory.me/user/clohik9vc0vuq01s15xufcp5w/comments</a></p> <br /> <br/>Powered by <a href="https://firstory.me/zh">Firstory Hosting</a>
Pod Engine is not affiliated with, endorsed by, or officially connected with any of the podcasts displayed on this platform. We operate independently as a podcast discovery and analytics service.
All podcast artwork, thumbnails, and content displayed on this page are the property of their respective owners and are protected by applicable copyright laws. This includes, but is not limited to, podcast cover art, episode artwork, show descriptions, episode titles, transcripts, audio snippets, and any other content originating from the podcast creators or their licensors.
We display this content under fair use principles and/or implied license for the purpose of podcast discovery, information, and commentary. We make no claim of ownership over any podcast content, artwork, or related materials shown on this platform. All trademarks, service marks, and trade names are the property of their respective owners.
While we strive to ensure all content usage is properly authorized, if you are a rights holder and believe your content is being used inappropriately or without proper authorization, please contact us immediately at [email protected] for prompt review and appropriate action, which may include content removal or proper attribution.
By accessing and using this platform, you acknowledge and agree to respect all applicable copyright laws and intellectual property rights of content owners. Any unauthorized reproduction, distribution, or commercial use of the content displayed on this platform is strictly prohibited.
